Friday, July 29, 2011

പ്രണയകാലം









നീ എന്റെ സ്വപ്നങ്ങള്‍ക്ക്, എന്റെ മനസ്സിന്റെ 
വര്‍ണങ്ങള്‍ക്കു നിറം നല്കിയിരുന്നുവോ ?
എപ്പോഴെങ്കിലും നീയെന്റെ ചിറകുകളില്‍ 
അണയാന്‍ കൊതിച്ചിരുന്നുവോ ?
എന്റെ മിഴിയില്‍ മിന്നിമറയുന്ന നിന്റെ മുഖം 
നീ എന്നെങ്കിലും തിരിച്ചറിഞ്ഞിരുന്നുവോ ?
അറിയാതെ ഞാന്‍ നിന്നെ അറിയാന്‍ ശ്രമിച്ചപ്പോള്‍ 
നീ എന്നില്‍ നിന്ന് അകലാന്‍ ശ്രമിച്ചിരുന്നുവോ ?
ഒരുപാടു നോട്ടങ്ങല്‍ക്കിടയിലും എന്റെ നോട്ടം
നിന്നെ സ്പര്‍ശിചിരുന്നുവോ ?
കാതങ്ങള്‍ അകലെയെങ്കിലും നിന്നെ കാത്തിരിക്കുന്ന 
എന്റെ മനസ്സ് നീ അറിഞ്ഞിരുന്നുവോ ?
തനിച്ചിരുന്നു ഞാന്‍ നിന്നെക്കുറിച്ചു മാത്രം പറയുന്ന 
ഓരോ വാക്കും നീ കേട്ടിരുന്നുവോ ?
ഒരുപാട് കാലൊച്ചകള്‍ക്കിടയിലും നിന്റെ കാലോച്ചക്കായ്‌ 
ഞാന്‍ കാതോര്‍ത്തിരുന്നുവെന്നു നീയറിഞ്ഞിരുന്നുവോ ?
നിന്റെ ഓരോ പാട്ടിനും ഞാന്‍ താളം പിടിച്ചിരുന്നുവെന്നു
നീയറിഞ്ഞിരുന്നുവോ ?
മറ്റുള്ളവരോട് നീ സംസാരിക്കുമ്പോള്‍ നിന്നോട് 
സംസാരിക്കാന്‍ കൊതിച്ചിരുന്ന എന്റെ മനസ്സ് നീ കണ്ടിരുന്നുവോ ?
എന്റെ മനസ്സിന്റെ മായാതാഴ്വരയില്‍ നിന്റെ ചിത്രമാണെന്ന് 
നീ അറിഞ്ഞിരുന്നുവോ ?
നിന്നെ കണ്ടനാള്‍ മുതല്‍ എന്റെ ഓരോ ദിവസവും തുടങ്ങുന്നത് 
നിന്നെയോര്‍ത്ത് കൊണ്ടായിരുന്നുവെന്നു നീയറിഞ്ഞിരുന്നുവോ ?
നിന്റെ ഓരോ ചലനങ്ങള്‍ക്കും ഞാന്‍ താളം പിടിക്കുമ്പോള്‍ 
നീയെന്റെ ചലനം അറിഞ്ഞിരുന്നുവോ ?
എന്റെ മിഴികള്‍ നിന്നോട് കഥ പറയുമ്പോള്‍ 
നീയറിഞ്ഞിരുന്നുവോ ഞാന്‍ നിന്നിലേക്കടുക്കുന്നുവെന്നു ?
ഒരുപാട് വേതനകള്‍ക്കിടയിലും ഞാന്‍ ആഗ്രഹിച്ചിരുന്ന 
മുഖം നിന്റെതാണെന്നു നീയറിഞ്ഞിരുന്നുവോ ?

ഒരുപാട് മുത്തുകള്‍ കോര്‍ത്തിണക്കുമ്പോള്‍ നീയറിഞ്ഞിരുന്നുവോ 
അതിലൊരു മുത്തായ്‌ ഞാന്‍ നിന്നെ നേടുന്നുവെന്ന് ?
എന്റെ നിശബ്ദതക്കു നിന്റെ സ്നേഹം കൂട്ടിരുന്നുവെന്നു 
നീയറിഞ്ഞിരുന്നുവോ ?
നീലാകാശത്തോട്‌ ഞാനെന്റെ പരിഭവകഥ പറയുമ്പോള്‍ 
അത് നിന്നെക്കുറിച്ചായിരുന്നുവെന്നു നീയറിഞ്ഞിരുന്നുവോ ?
സന്ധ്യാസമയത്ത് നിലാവിനെ കാണാന്‍ കൊതിച്ചിരുന്ന എന്റെ 
മുമ്പില്‍ ഒരു അപ്സരസ്സായി നീ വന്നിരുന്നുവോ ?
നീയറിഞ്ഞിരുന്നുവോ ഞാന്‍ നിന്നെ പ്രണയിക്കുന്നുവെന്നു ?
നീയറിഞ്ഞിരുന്നുവോ ഞാന്‍ നിന്നെ അറിഞ്ഞിരുന്നുവെന്നു >
നീലിമയെ ഞാന്‍ ഇഷ്ട്ടപ്പെടുമ്പോള്‍ നീ 
നിലാവിനെ അറിഞ്ഞിരുന്നുവോ ?
നിലാവിനെ നീ അറിഞ്ഞിരുന്നുവെങ്കില്‍ 
അറിഞ്ഞിട്ടുണ്ടെങ്കില്‍ നിനക്ക് എന്നെ അറിയാം 
കാരണം 
ഞാന്‍ നിന്നെ കണ്ടിരുന്നത്‌ നിലാവിലൂടെയാണ്....

7 അഭിപ്രായങ്ങള്‍:

  1. ഒരു പാട് ചിദ്യങ്ങള്‍ ചോദിച്ച് നിങ്ങള്‍ ജോണ്‍ ബ്രിട്ടാസായി, കാമുകിയുടെ ഒരു കഷ്ടപാട് :)

    ReplyDelete
  2. അറിയാതെ പോയ പ്രണയമോ ?

    ReplyDelete
  3. അറിഞ്ഞു. ബട്ട്‌ വൈകിയാണെന്ന് മാത്രം.............

    ReplyDelete
  4. നന്നായിരിക്കുന്നു

    ReplyDelete

അഭിപ്രായങ്ങളും നിര്‍ദേശങ്ങളും അറിയിക്കുക.........


സ്നേഹപൂര്‍വ്വം,
ഷൌക്കത്ത്..